PDR i gyflwyno fel rhan o wythnos Ymchwil ac Arloesi 2024 

Mae Prifysgol Metropolitan Caerdydd yn cynnal ei hwythnos Ymchwil ac Arloesi gyntaf, sy’n ymroddedig i feithrin diwylliant o ddysgu, cydweithio, a newid trawsnewidiol.

Lansiodd yr Is-Ganghellor, yr Athro Rachael Langford yr wythnos, sydd wedi'i hanelu at bawb sydd â diddordeb neu sy'n gweithio yn y sector, o fewn a thu allan i Met Caerdydd.

Mae digwyddiadau’r wythnos yn cynnwys 'Sgyrsiau Byr' gan yr Athro Jarred Evans a Dr Sally Cloke. Disgrifir Sgyrsiau Byr fel “sgyrsiau byr mewn arddull TED gan academyddion sydd wedi dod o hyd i ffyrdd arloesol, diddorol neu hyd yn oed rhyfeddol o fynd i’r afael â neu ddod o hyd i ffyrdd newydd o edrych ar broblemau yn eu gweithgareddau ymchwil neu fenter.”

Bydd sgwrs Jarred, o'r enw ‘You Don’t Need to Draw to Be a Designer’, yn rhoi trosolwg o sgiliau gwerthfawr o fewn y maes dylunio. Bydd sgwrs Sally yn canolbwyntio ar sut y gall dylunio ein helpu i fframio problemau a bydd yn defnyddio ei gwaith, Sleep Justice fel pwynt cyfeirio allweddol. Wrth edrych ymlaen at y sesiwn, dywedodd Sally: “Rwy’n edrych ymlaen at roi ‘sgwrs byr’ ar fy ymchwil i’r groesffordd rhwng cwsg, dylunio a chyfiawnder cymdeithasol. Rwyf bob amser wedi bod yn angerddol am adrodd straeon am ymchwil i gynulleidfaoedd y tu hwnt i’r byd academaidd.”

Gallwch gofrestru ar gyfer digwyddiadau yn ystod wythnos Ymchwil ac Arloesi yma: Wythnos Ymchwil ac Arloesi 2024 (learningpool.com) i ddathlu ymchwil a datblygiad ym Met Caerdydd a PDR.

Dysgwch fwy am ein prosiectau ymchwil.